हात्तीदमार युवा क्लवको आयोजनामा यही मंसिर १५ गते देखी महिला नक आउट फुटबल प्रतियोगिता सुरुहुने भएको छ ।
महिला नकआउट फुटबल प्रतियोगितामा ५ टिमले सहभागिता जनाउने भएका छन् । प्रतियोगिता मंसिर १५ गतेदेखि २० गतेसम्म हात्तीदमार युवा क्लबको खेल मैदानमा सम्पन्न हुनेछ । प्रतियोगितामा हात्तीदमार युवा क्लव, रौतहट जिल्ला फुटबल संघ, बागमती युवा क्लव - सर्लाही, निजगढ फुटबल क्लव (NFC) बारा, र ANFA एकेडेमी रौतहटले सहभागिता जनाउने क्लवका अध्यक्ष प्रेम कुमार श्रेष्ठले जानकारी दिनुभएको हो। अध्यक्ष श्रेष्ठले प्रतियोगिताको खेल तालिका मंसिर ५ गते, बुधबार सार्वजनिक हुने समेत जानकारी दिनुभएको छ ।
साथै, प्रतियोगिता सम्पन्न गराउनका लागि आर्थिक सहयोग गरिदिनुहुन अनुरोध समेत गर्नुभएको छ ।
